Yeh jo deewanay se do chaar nazar aate hain Ghazal

یہ جو دیوانے سے دو چار نظر آتے ہیں  

Yeh jo deewanay se do chaar nazar aate hain

In mein kuchh saahab E israar nazar aate hain

Teri mehfil ka bharam rakhte hain so jate hain

Warnaa yeh log to bedaar nazar aate hain

Door tak koi sitaaraa hai na koi jugnoo

Marg E ummeed ke aasaar nazar aate hain

Mere daaman mein shararoN k siwa kuchh bhi nahi

Aap phooloN ke khareedaar nazar aate hain

Kal jinhein chhu nahi sakti thi farishtoN ki nazar

Aaj woh raunaq E baazaar nazar aate hain

Hashr mein kaun gawaahi meri dega ‘Saghar’

Sab tumhaare hi tarafdaar nazar aate hain

(SaGhar Siddiqi)

یہ جو دیوانے سے دو چار نظر آتے ہیں  

ان میں کچھ صاحبِ اسرار نظر آتے ہیں  

تیری محفل کا بھرم رکھتے ہیں سو جاتے ہیں  

ورنا یہ لوگ تو بیدار نظر آتے ہیں  

دور تک کوئی ستارا ہے نہ کوئی جگنو  

مرگِ امید کے آثار نظر آتے ہیں  

میرے دامن میں شراروں کے سوا کچھ بھی نہیں  

آپ پھولوں کے خریدار نظر آتے ہیں  

کل جنہیں چھو نہیں سکتی تھی فرشتوں کی نظر  

آج وہ رونقِ بازار نظر آتے ہیں  

حشر میں کون گواہی میری دے گا 'ساغر'  

سب تمہارے ہی طرفدار نظر آتے ہیں